Министерот за образование и наука на Република Македонија, м-р Панче Кралев, денес  се сретна со Претседателот на Европската академија на науките и уметностите, Проф. Д-р  Феликс Унгер,

на кој присуствуваа и Проф. Д-р Радмил Поленаковиќ, член на Европската академија за науките и уметностите од Република Македонија и Проф. Д-р Момир Поленаковиќ, претставник од Македонската Академија на науките и уметностите.

На средбата двете страни изразија задоволство од досегашната соработка помеѓу Македонската и Европската академија на науките и уметностите, со надеж дека соработката се повеќе ќе се интензивира во иднина, со потпишувањето на Меморандум за соработка помеѓу Европската и Македонската академија на науките и уметностите, кој ќе ја формализира досегашната соработка помеѓу двете Академии, што ќе придонесе и за зголемување на соработка со други образовни институции во државата.  
Министерот Кралев истакна дека Министерството за образование и наука во склоп на своите ингеренции максимално ја подржува соработката на нашите високо образовни институции и МАНУ со Европската академија.
Проф. Унгер истакна дека Академијата е неодамна основа Европски универзитет кој ќе работи во склоп на Академијата, за кој студентите од Република Македонија се охрабрени и добредојдени да аплицираат.  
На состанокот и двете страни изразија надеж дека се повеќе наши еминентни академици, чиј број во моментот е девет, ќе станат  членови на Европската академија на науките и уметностите.